Denne vinterdagen inviterer vi deg til diktlesing med Kristin på toppen av Oslo. Vi fyrer i peisene og legger drikken på kjøl – eller varmer kakaoen, om du foretrekker det slik. Finn deg en godstol, la skuldrene senke seg og nyt samvær, ord og nærvær i en lun atmosfære.
Arrengementet er gratis ved bestilling av billett via linken.
I 2019 ga hun ut sin første bok på eget forlag, og siden har det blitt hele fem – alle med utgangspunkt i tekster som berører. Kristin formidler nært, ærlig og med et språk som treffer rett i hjertet.
Om hennes siste bok:
«Når alt rundt oss syng» er den femte diktboka til berrekristin, Kristin Straume. Den gule boka handlar om gleda som spirer – midt i det uferdige og sårbare. Med varme, glimt i auga og djupt alvor, inviterer boka deg til å vera heil, akkurat slik du er. Dikta hentar tema og motiv frå kvardag, natur og relasjonar, med trøyst, humor og gjenkjenning for deg som vil leva nærare livet og vera meir til stades. Dette er nynorsk poesi som er tilgjengeleg for dei fleste.
Mer om Kristin her:
Eg er Kristin Straume og bur på Straume i Vaksdal kommune, der eg òg vaks opp. Eg har alltid vore glad i å skriva, og på den måten uttrykkja kjensler, tankar og erfaringar i ord. For meg er det vanskeleg å tenkja seg eit liv utan å kunna skriva ut det som trengs. Etter kvart har eg òg delt det eg har skrive, sidan 2017 på instagram som @berrekristin. Det er motiverande for skrivinga når så mange seier at orda mine kan vera til trøyst eller nytte, og det kjennest meiningsfylt å dela då.
I 2019 gav eg ut mi fyrste bok på eige forlag (berrekristin) med utgangspunkt i tekstar delt på instagram. 800 eksemplar blei utseld på ein månad, og eg var overvelda! Det har etter kvart blitt fem bøker gjeve ut på eige forlag, og dei siste åra har eg jobba med å òg kunna tilby andre produkt med dikt på, sidan fleire spør etter slikt. Det har resultert i handlenett og kort, turkopp og plakatar. Meir om prosessen rundt bøkene står på ei eiga side, for spesielt interesserte!
Dei siste åra har eg òg vore med på arrangement der eg har prata litt og lese dikt, og innimellom sunge nokre songar som eg har laga eigne tekstar til. Det er alltid litt skummelt, eg blir blant anna redd for at folk kjem for å høyra på som har fulgt meg lenge på instagram, og blir skuffa når eg berre er meg. Ei heilt vanleg dame som likar å formulera ting i ord. Men kanskje det er det som gjer at folk tar til seg orda og kjenner dei gjer godt? Eg håpar det!
Bestill billetter her